Zaintzen Pedagogia, erdian bizitza.

Euskadiko Gobernuz Kanpoko Erakundeen Koordinakundeak, beren 30. urteurrenaren barruan, Erakunde desberdinen esperientziak ezagutzera eramaten ari da. 30 urte aztarna uzten ikus-entzunezko kanpainaren bidez GGKEak euskal gizartearen, instituzio publikoen eta erakundeen ahalegin solidarioari esker gauzatzen ari diren proiekturen adibideak erakusten ditu.

Kanpainaren informazio guztia Koordinakundearen web orrialdean topa ditzakezu

Pedagogia horrek ardatzat hartzen ditu zaintzak, elkartasuna, enpatia, autonomia, harreman afektiboak, ahalduntzea, komunitatea, parte-hartzea, sormena, jokoa, kontsumo arduratsua, naturaren zaintza… Era horretan, balioa ematen dio historian zehar batez ere emakumeek egin duten lanari: zaintzen lanari.

Zaintzen Pedagogian, eragile eraldatzaile garrantzitsutzat jotzen da hezkuntza; horregatik, gizarte justuagoak, berdintasunezkoagoak, solidarioagoak eta gizakien eta naturaren zaintzarekin konprometituagoak eratzera bideratu behar dugu hezkuntza hori. Hezkidetza-proposamena da, eta, horregatik, gizonen eta emakumeen arteko berdintasunaren alde lan egiteko konpromisoa du. Beraz, curriculuma ebaluatzea proposatzen du, genero-rolak ez iraunarazteko eta errepikatzeko. Gainera, hezkuntza-metodologien berrikuspena egin beharra ere nabarmentzen du, eta ikasleen beharrizanei erantzuten dien ikaskuntzaren alde egiten du, metodologia ludiko, artistiko eta esperientzialen bidez.

InteReden uste dugu pedagogia berri hori denon artean eraiki behar dugula, era horretan ikuspuntu desberdinak egon daitezen –Atlantikoko bi aldeetakoak–, eta justiziarako eta berdintasunerako lagungarria izan dadin. Gainera, ikuspuntu pedagogiko berri hori eraikitzeko, Perun, Kolonbian, Guatemalan eta Euskal Herrian garatutako esperientziak hartu ditugu berriro.